كان يا مكان يا سادة يا كرام ..

كان يا مكان يا مستمعين يا كرام ..

وما يحلى الكلام الا بالصلاة على الحبيب محمد خير الأنام ..

زيدوا الصلاة صلاة ..

هاظ يا سادة يا كرام ..

يا أهل الجود والإكرام ..

كان في .. ولم كان في .. كان هناك كل شي ..

كان في بلد ما تعرف الشمس غيرها وطن ..

والقمر فيها وجه صبية مليحه ..

وكان فيها ناس ..

الحب والخير فيهم أساس ..

كان يا مكان ..

وطن ..

حب ..

سلام ..

أمن ..

شجر ..

عمر ..

قمر ..

كان يا مكان ..

كان وما زال في وطن ..

اسمه فلسطين ..

ويا حبايبي يا سامعين ..

ما في منها اثنين ..

ما بدي أكتر عليكم حكي ..

طلع في يوم عليها الصبح ..

هجمت الدبابة ..

وما كانت خيابة ..

هجموا على البيوت ..

على الكروم ..

ع الخوابي ..

حرقوا الروابي ..

وقلعوا عين الصبية ..

وطفوا الشمس ..

وصار الشعب الحر ساكن بخيام ..

وما بكى عليهم حد ..

لأنه البكي بده زلام ..

وفي هالعالم ما كان زلام غيرهم ..

سكنوا بالخيام ..

ايش ضل بالقصه ..

طلعوا عليهم بقصة توطين ..

وأكياس طحين ..

يا ويلي على المساكين ..

طلع فيهم منادي قال : يا عالم ياهوووووو ..

يا سمعين الصوت ..

ورب السما والدنيا ..

ترابك يا فلسطين ما يهون ..

أنا لاجئ ساكن بخيمتي لحتى أرجع أو القيامة تقوم ..

ما برضى بالذل ..

راح أبقى عربي فلسطيني ..

عاشق ع طول العمر ..

عشقي فلسطيني ..

يا سامعين الصوت ..

أنا فلسطيني .. أنا فلسطيني .. أنا فلسطيني ..

وهيك يا سادة يا كرام ..

صلوا على النبي قبل ما نكمل الكلام ..

وبقى الفلسطيني جرح بصدر الزمان ..

حامل جروحه وين ما كان ..

لسه ما بدت القصه حتى تنتهي ..

لسه الحكي قدام ..

بس الفلسطيني وصاني أبلغكم السلام ..

وبوصيكم ..

ادعولهم ..

لحتى ربي يفرج الكرب ..

ويرجعوا زي زمان

يسلمو موضوع راااااااااائع

الله ينصرهم شعب مكافح

[ندعوك للتسجيل في المنتدى أو التعريف بنفسك لمعاينة هذه الصورة]

الله يعطيكم العافية
تسلمو
آميين

يسلموا

عفواً م لقيت كلمةة تعططي فلسطين حقـهـآإ..
غغير آلدعـآء [ندعوك للتسجيل في المنتدى أو التعريف بنفسك لمعاينة هذه الصورة]

صراحة موضوع جميل جدا وانا حبيتو كتير
يسلموا كتير ع الموضوع الاكتر من رائع
اللهم انصرنا في فلسطين وكن معنا يالله يا عزيز يا جبار

انا فلسطينية فلسطينية للابد

جزاك اله كل خير يا حبوبة

احلى شي انها احلى من كل القصص

الاسلوب رائع