اجمل احساس..
لما يكون اول يوم رمضان، وانت لسا مش متعود عالصيام وتكون جد تعبان ويجهز الفطور.. ويكون الاكلة الي بتحبها وتسمع "الله اكبر" :')
لما امك تنادي عليك تقلها نعم يا امي تقلك ولا اشي بس الله يرضى عليك :')
لما تكون جد محتاج تروح عالحمام وانت بازمة بالشارع والناس فوق بعض، تلاقي استراحة :')
لما تتفرج على صور ايام المدرسة وتتذكر ذكريات الطفولة :')
لما حدى كتير مشتاقله يتذكرك ويرن عليك، وتطولو بال...
مكالمة ولسا ما شبعتو من بعض وولا كان اشي تغير :')
لما ابوك يرجع من السفر بعد طول غياب وهو بحاول يامنلكم حياة احسن تبوس ايده وراسه وتحضنه ويقلك الله يرضى عليك يبني :')
لما تقرر تبدأ بالصلاة، وتروح على اول صلاة جمعة الك (بقولو عنه احلا احساس) لما تحس حالك قربت من ربنا وانه بلش يرضى عنك :')
لما توقفك خالة عالاشارة وتدعيلك من قلبها لما تعطيها قرشين الي طلعو معك :')
لما تطلع نتيجة امتحان مصيري (متل التوجيهي) جد تعبت عليه وتكون متل ما بدك واحسن، وكيف رفعت راس اهلك وبيضك وجهم وورجيت الكل مين انت وتشوف نتيجة تعبك :')
لما تحمل اول بيبي الك ولسا عمره ساعات او دقائق :')
لما تتزوج الانسان الي بتحبه، وتتاكد انه خلص صرتو لبعض :')
لما تحس بالوحدة.. تلاقي رسالة من غريب، بتورجيك ان في حدى بالدنيا بفكر فيك وانك مش وحيد :')
لما تغلب حدى بلعبة هو الملك فيها.
لما تروح لاكتر بلد نفسك تزوره بحياتك لاول مرة :')
لما اخوك الصغير يسب عليك.. تقله عمين بتسب؟؟؟؟ يقلك علي علي..
لما تلاقي فلوس بالجيبة انت ناسيهم، لما تلاقي فلوس بالشارع.. لما تلاقي فلوس بشكل عام :')
لما تصحى من النوم معجوق مفكر حالك تاخرت تلاقي انك لسا ضايل ساعتين للنوم.
لما تخلص امتحانات.
لما تحكي مع حدى text ويرد عليك بسرعة.
لما تتفرج على الي بتحبه وتلاقيه بتفرج عليك.
لما تعمل مصيبة والكل ينكمسك الا انت.
لما تشوف الموت بعيونك وربنا يكتبلك عمر جديد.
لما تلاقي اشي زاكي مخبى بالتلاجة.
لما تلعب بالتلج اول مرة بحياتك.
لما تكون بمصيبة كبيرة وتلاقي الحل.
لما تربح اي اشي.
لما الاستاذ يحكي اسمك بمثال لاشي منيح.
لما تقرأ هاد الكلام وتتذكر او حتى تتخيل هاي المواقف.
بطلتك الرائعه 
منك انا تسجل 
ترينا ابداعك 
للابداع 
وونجومه 
الأحد نوفمبر 11, 2018 2:11 am
♥~.دوُلًــتُــيَ ♥~.
الوسـٌائـٍط♥
♥|الجنسًـِـِ *: 
♥|[مًسُآهًمُآًتًيُُ
♥|[نًـقآطيَ:
مـٌـُزاج ــٌـًُـيً♥:
♥|[التقيًمَ: 
