شو صاير بغزة ؟؟..

-ﺷﻮ ﺻﺎﻳﺮ ﺑﻐﺰﺓ؟؟..
-ﺑﺘﺴﺄﻟﻨﻲ ﺷﻮ ﺻﺎﻳﺮ ﺏ # ﻏﺰﺓ؟؟ ،، ﺃﻧﺎ
ﺑﺤﻜﻴﻠﻚ ....
ﺑﻐﺰﺓ ﻓﻲ ﺃﻡ ﻣﺜﻞ ﺃﻣﻲ ﻭﺃﻣﻚ ..
ﺻﻠﺖ ﺍﻟﻌﺼﺮ ﻭﻗﺎﻣﺖ ﺗﺠﻬﺰ ﻓﻄﻮﺭ...
ﻻﻭﻻﺩﻫﺎ
ﺻﺢ ﺳﻔﺮﺗﻬﻢ ﺻﻐﻴﺮﺓ ،، ﺑﺲ ﻟﻤﺘﻬﻢ
ﺣﻮﻟﻬﺎ ﺣﻠﻮﺓ ﻛﺜﻴﻴﻴﺮ
ﻭﻭﻗﺖ ﺍﻟﻤﻐﺮﺏ ،، ﻛﺎﻥ ﺑﻴﺘﻬﻢ ﺍﻟﺼﻐﻴﺮ
ﺣﻄﺎﻡ،، ﻭﺍﻟﻌﻴﻠﺔ ﺑﻴﻔﻄﺮﻭﺍ ﺑﺎﻟﺠﻨﺔ!!
ﻓﻲ ﺑﻐﺰﺓ ﺻﺒﻴﺔ ﻓﻠﺴﻄﻴﻨﻴﺔ ،،
ﺃﺣﻼﻣﻬﺎ ﺻﻐﻴﺮﺓ ،،
ﻭﺑﺈﻳﺪﻫﺎ ﺍﻟﻴﻤﻴﻦ.. ﺩﺑﻠﺔ ﺫﻫﺒﻴﺔ ،
ﺑﺘﺤﻠﻢ ﺑﺎﻟﻴﻮﻡ ﺍﻟﻠﻲ ﺗﻠﺒﺲ ﻓﻴﻪ ﺍﻟﻔﺴﺘﺎﻥ
ﺍﻷﺑﻴﺾ ،،
ﻭﺗﻌﻴﺶ ﺑﺒﻴﺖ ﺻﻐﻴﺮ ﻭﺩﺍﻓﻲ..
ﻭﺑﻌﺪ ﺻﺒﺮ ﺳﻨﺘﻴﻦ
ﻭﺑﻴﻮﻡ ﺍﻟﻌﺮﺱ ..
ﺑﻜﺖ ﻋﻠﻰ ﺍﻟﻔﺪﺍﺋﻲ ،، ﻭﺑﺈﻳﺪﻫﺎ ﺯﻓﺘﻪ
ﻟﻠﺴﻤﺎ ،، ﻭﺣﻠﻔﺖ ﺗﺴﺘﺸﻬﺪ ﻭﺗﻠﺤﻘﻪ ،،
ﻭﺑﺮﻳﺤﺔ ﺍﻟﻤﺴﻚ ﺑﺘﻜﻮﻥ ﺃﺣﻠﻰ ﺯﻓﺔ!!
ﺑﻐﺰﺓ ﻓﻲ ﺃﺏ
ﺭﺍﺟﻊ ﻣﻦ ﻛﺪ ﻳﻮﻣﻪ ﺗﻌﺒﺎﻥ ،، ﺑﺲ
ﻣﺘﻠﻬﻒ ﻭﺑﺘﺨﻴﻞ ﻛﻴﻒ ﺍﻭﻻﺩﻩ ﺑﺴﺘﻨﻮﻩ
ﻋﺮﺍﺱ ﺍﻟﺤﺎﺭﺓ
ﻭﺑﺘﺴﺎﺑﻘﻮﺍ ﺣﺘﻰ ﻳﺤﻀﻨﻮﻩ
ﻭﻟﻤﺎ ﻭﺻﻞ ،، ﻣﺎ ﺳﻤﻊ ﺿﺤﻜﺎﺕ ﻭﻻﺩﻩ
ﻣﺸﻰ ﻭﻗﻠﺒﻪ ﻣﻘﺒﻮﺽ،،
ﻭﺷﺎﻓﻬﻢ ﻧﺎﻳﻤﻴﻦ ﻭﺑﺎﻟﺪﻡ ﻣﻐﻄﻴﻴﻦ !!!
ﻭﺑﺎﻟﺤﺎﺭﺓ ﺍﻟﺜﺎﻧﻴﺔ
ﻓﻲ ﺷﺐ،، ﺑﺪﻭﺭ ﺗﺤﺖ ﺭﻛﺎﻡ ﺑﻴﺘﻪ ،،
ﻣﺘﺄﻣﻞ ﻳﺴﻤﻊ ﺩﻗﺔ ﻗﻠﺐ ﺗﻄﻤﻨﻪ ﺍﻧﻪ ﻣﺎ
ﺑﻘﻲ ﻭﺣﻴﺪ ﺑﻬﺎﻟﺪﻧﻴﺎ!!
ﺳﺮﻳﺮﻩ ﻛﺎﻥ ﻫﻮﻥ،،
ﻭﻫﻮﻥ ﻋﺎﻟﻤﻜﺘﺐ ﺗﺮﻙ ﻛﺘﺎﺑﻪ ﻣﻔﺘﻮﺡ ...
ﻭﻋﺎﻟﻮﺭﻗﺔ ﺍﻟﻠﻲ ﻛﺎﻧﺖ ﺑﻴﻀﺎ ﻛﺘﺐ ﺷﻄﺮ
ﺑﻴﺖ ﺷﻌﺮ ﻭﻣﺎ ﻛﻤﻠﻪ!!
ﺑﻔﺘﺶ ﻋﻦ ﺻﻮﺭ ﺍﺧﻮﺍﻧﻪ ﺍﻟﻲ ﺑﺘﺤﻤﻞ
ﺫﻛﺮﻳﺎﺕ ﻃﻔﻮﻟﺘﻪ ﻣﻌﻬﻢ
ﺷﺎﻝ ﺃﺧﺘﻪ ..
ﻛﻮﻓﻴﺔ ﺃﺑﻮﻩ
ﻭ ﺭﻳﺤﺔ ﺃﻣﻪ!!!...
ﺑﻐﺰﺓ ،، ﻓﻲ ﺷﻌﺐ ﻃﻴﺐ
ﻋﺎﻳﺶ ﺣﻴﺎﺓ ﺃﺻﻌﺐ ﻣﻦ ﺍﻟﻤﻮﺕ !!!!
ﺍﻟﻠﻲ ﺑﻴﺼﻴﺮ ﺑﻐﺰﺓ ﺍﻧﻪ ﻟﺴﺎ ﻓﻴﻬﺎ ﻧﺎﺱ
ﺑﺘﻘﺎﻭﻡ ﺭﻏﻢ ﺍﻟﺤﺼﺎﺭ ﻭﺍﻟﺠﻮﻉ
ﻟﺴﺎ ﻓﻴﻬﺎ ﻧﺎﺱ ﻋﺎﻳﺸﻴﻦ ﺣﺘﻰ ﻳﺬﻛﺮﻭﻧﺎ
ﺑﻌﺮﻭﺑﺘﻨﺎ
ﺑﺬﻛﺮﻭﻧﺎ ﺑﺨﻴﺎﻧﺘﻨﺎ ﺇﻟﻬﻢ
ﺑﻜﻞ ﻃﻠﻌﺔ ﺷﻤﺲ ﻋﻠﻴﻬﻢ ،، ﺑﻌﻄﻮﻧﺎ
ﺃﻟﻒ ﻛﻒ
ﺑﻔﺮﺟﻮﻧﺎ ﻗﺪﻳﺶ ﺍﺣﻨﺎ ﺻﻐﺎﺍﺍﺍﺍﺍﺍﺍﺍﺍﺍﺍﺍ
ﺍﺍﺍﺍﺍﺍﺍﺍﺍﺍﺍﺍﺍﺍﺍ ﺍﺍﺍﺍﺍﺭ ،، ﺻﻐﺎﺭ ﻛﺜﻴﺮ
ﻭﺍﻗﻔﻴﻦ ﻣﻜﺘﻔﻴﻦ ﻭﺑﺘﻔﺮﺝ ﻭﺑﻨﻌﺪ
ﺷﻬﺪﺍﺀ ،، ﻭﺟﺮﺣﻰ
ﻭﻧﻨﻌﻲ ﻛﺮﺍﻣﺘﻨﺎ ،، ﻭﺿﻤﻴﺮﻧﺎ !!!!!!
ﻏﺰﺓ ﻭﻓﻠﺴﻄﻴﻦ ﺣﻜﺎﻳﺔ ﺍﺭﺽ ...
ﺑﻴﻤـﻮﺕ ﻓﻴـﻬﺎ ﺍﻟﻠﻲ ﻣﺎ ﺑﺴﺘﺤﻖ
ﺍﻟﻤـﻮﺕ.... ﻋـﻠﻰ ﺇﻳـﺪ ﺍﻟﻠﻲ ﻣﺎ ﺑﻴﺴﺘـﺤﻖ
ﺍﻟﺤﻴـﺎﺓ
ﺍﻟﻠﻪ ﺃﻛﺒﺮ ...

ااااااااخ يا فلسطين
الله نصر فلسطين واهلها ويحميهم
النصر قريب باذن الله
المووضوووع قشعرلي بدني

قشعر بدني الله يحميكم يارب

» "عاشوا اياما صعبة"... أزمة المعتمرين بغزة وصلت الى نهايتها
» الدم الجزائري يختلط بالدم الفلسطسني شهيدان جزائريان تم تشيعهما بغزة ♥ الله اكبر ♥

شو صاير بغزة ؟؟..

شو صاير بغزة ؟؟..

مواضيع مماثلة

مواضيع مماثلة